తిరువనంతపురం: గత కొన్నిరోజులుగా ఆన్లైన్లో వైరల్ అవుతున్న ఓ ప్రైవేటు వీడియో గురించి మలయాళీ నటి రమ్యా సురేశ్ స్పందించారు. ఆ వీడియోలో ఉన్నది తాను కాదు అని, ఆ వీడియోతో తనకు ఎలాంటి సంబంధం లేదని ఆమె స్పష్టం చేశారు. మలయాళంలో పలు చిత్రాల్లో సహాయనటిగా నటించి అక్కడి ప్రేక్షకులకు చేరువయ్యారు నటి రమ్య.
కొన్నిరోజుల క్రితం ఆన్లైన్లో ఓ ప్రైవేటు వీడియో లీక్ చెయ్యడంతో సోషల్ మీడియాలో తెగ వైరల్ అయ్యింది. ఆ వీడియోలో ఉన్న మహిళ నటి రమ్యానే అని అందరూ గుసగుసలాడారు. ఆ వీడియో గురించి తెలుసుకున్న రమ్య వెంటనే సైబర్క్రైమ్ పోలీసులను ఆశ్రయించారు. ఈ విషయం గురించి తెలియజేస్తూ, ఆమె సోషల్మీడియాలో ఓ భావోద్వేగ పోస్ట్ పెట్టారు.
‘గత కొన్నిరోజులుగా ఆన్లైన్లో చక్కర్లు కొడుతున్న ఆ అశ్లీల వీడియోకు నాకు ఎలాంటి సంబంధం లేదు అని,
ఆ వీడియోలో ఉన్నది నేను కాదు అంటూ ఆవేదనకు గురయ్యారు. ఆన్లైన్లో ఆ వీడియో చూసిన వెంటనే షాక్తో కళ్లు తిరిగి పడిపోయాను అని అన్నారు. ఎందుకంటే అందులో ఉన్న అమ్మాయి రూపురేఖలు కొద్దిగా అటు ఇటుగా నాకు మాదిరిగానే ఉన్నాయి. దాంతో ఆ వీడియో చూసిన చాలామంది నుంచి నాకు అసభ్యకరమైన మెస్సేజ్లు వచ్చాయి. వాటిని చూసి ఎంతో బాధగా అనిపించింది. నా భర్త సపోర్ట్తో సైబర్ పోలీసులను ఆశ్రయించి.. కేసు నమోదు చేశాను. వాళ్లు ఇప్పటికే దర్యాప్తు ప్రారంభించారు. దయచేసి.. ఇకపై ఆ వీడియో గురించి నాకు మెస్సేజ్లు పంపించకండి’ అని నటి పేర్కొన్నారు..
