చైనాకు చెందిన ప్రముఖ ఎలక్ట్రానిక్‌ ఉత్పత్తుల సంస్థ షామీకి సబ్‌ బ్రాండ్‌ అయిన పోకో భారత్‌లో అడుగుపెట్టింది. బుధవారం దిల్లీలో జరిగిన ఓ కార్యక్రమంలో మొదటి ఫోన్‌ పోకో ఎఫ్‌1ను విడుదల చేసింది. గూగుల్‌ మాజీ ఎగ్జిక్యూటివ్‌, షామీ లీడ్‌ ప్రొడక్ట్‌ మేనేజర్‌ జై మణి ఈ పోకో బ్రాండ్‌ను నడిపిస్తున్నారు. షామీ.. పోకో ఎఫ్‌1ను మూడు వేరియంట్లలో విడుదల చేసింది. 6జీబీ ర్యామ్‌/64జీబీ స్టోరేజీ వేరియంట్‌ ధర రూ.20,999గా వెల్లడించింది. 6జీబీ ర్యామ్‌/128జీబీ స్టోరేజీ వేరియంట్‌ ధర రూ.23,999గా, 8జీబీ ర్యామ్‌/256జీబీ స్టోరేజీ వేరియంట్‌ ధర రూ.28,999గా ప్రకటించింది. పోకో ఎఫ్‌1 ఫ్లిప్‌కార్ట్‌, మి.కామ్‌లో అందుబాటులో ఉంటుంది. ఆగస్టు 29న మధ్యాహ్నం 12 గంటల నుంచి ఫోన్ల అమ్మకాలు ప్రారంభమవుతాయి.
క్వాల్‌కం స్నాప్‌డ్రాగన్‌ 845 ప్రాసెసర్‌తో పాటు లిక్విడ్‌ కూల్‌ టెక్నాలజీ ఈ ఫోన్‌ ప్రత్యేకత. 6.18 అంగుళాల తెర, 20 ఎంపీ ఫ్రంట్‌ కెమెరా తదితర ఫీచర్లు ఉన్నాయి. ఈ ఫోన్‌ పాలీకార్బొనేట్‌ బ్లాక్‌, రోసో రెడ్‌, స్టీల్‌ బ్లూ, గ్రాఫైట్‌ బ్లాక్‌ రంగుల్లో లభ్యం కానుంది. తొలి సేల్‌లో ఈ ఫోన్‌ను హెచ్‌డీఎఫ్‌సీ బ్యాంకు క్రెడిట్‌ ద్వారా కొనుక్కునే వారికి రూ.1000 తక్షణ డిస్కౌంట్‌ లభిస్తుంది. లాంచింగ్‌ ఆఫర్లలో భాగంగా రిలయన్స్‌ జియో కూడా బంపర్‌ ఆఫర్ ఇస్తోంది. 6 టెరా బైట్‌ డేటాతో పాటు రూ.8వేల అదనపు ప్రయోజనాలు కల్పిస్తోంది.
పోకో ఎఫ్‌1 ఫీచర్లు..
* 6.18అంగుళాల తెర
* ఆక్టాకోర్ స్నాప్‌డ్రాగన్‌ 845 ప్రాసెసర్‌
* 20 ఎంపీ ముందు కెమెరా
* 12ఎంపీ + 5ఎంపీ వెనుక కెమెరా
* ఆండ్రాయిడ్‌ 8.1
* 4,000 ఎంఏహెచ్‌ బ్యాటరీ కెపాసిటీ
* 6జీబీ / 8జీబీ ర్యామ్‌
* 64జీబీ/ 128జీబీ / 256జీబీ స్టోరేజీ (అదనంగా మరో 256 జీబీ వరకు పెంచుకునే వీలు)
* టైప్‌-సి పోర్ట్, క్విక్‌ ఛార్జింగ్‌ సదుపాయం
