ఎన్నికల మేనిఫెస్టోలో బీసీలకు ఇచ్చిన హామీలను నెరర్చాలి
తెలంగాణ రాష్ట్ర ముఖ్యమంత్రి రేవంత్ రెడ్డికి జాతీయ బీసీ దళ్ అధ్యక్షులు దుండ్ర కుమారస్వామి విజ్ఞప్తి
కాంగ్రెస్ పార్టీ ఇటీవల శాసనసభ ఎన్నికలలో బీసీలకు ఇచ్చిన హామీలను దశలవారీగా నెరవేర్చాలని జాతీయ బీసీ దళ్ అధ్యక్షుడు దుండ్ర కుమారస్వామి ముఖ్యమంత్రి రేవంత్ రెడ్డికి విజ్ఞప్తి చేశారు. సోమవారం నాడు సచివాలయంలో ముఖ్యమంత్రిని కలిసి నూతన సంవత్సర శుభాకాంక్షలు తెలిపారు. అనంతరం వినతిపత్రాన్ని ఆయనకు అందజేశారు. స్థానిక సంస్థలలో బీసీలకు 42 శాతం రిజర్వేషన్లను పెంపుదల చేయాలని, ఉపకులాల వారీగా రిజర్వేషన్లను అమలు చేయాలని, సంచార కులాలకు ప్రత్యేకంగా ఐదు శాతం రిజర్వేషన్లు కల్పించాలని కోరారు. వివిధ బీసీ కులాలకు ప్రత్యేక ఆర్థిక కార్పొరేషన్లను ఏర్పాటు చేయాలని, మునగు పలు హామీలను ఎన్నిక ప్రణాళికలలో కాంగ్రెస్ పార్టీ బీసీలకు ఇచ్చిందని అవి నెరవేర్చే దిశగా దశలవారీగా హామీలన్నింటిని క్రమంగా అమలులోకి తేవాలని ఆయన ముఖ్యమంత్రికి ప్రత్యేకంగా వినతి చేశారు. మూడు పేజీలతో కూడిన వినతి పత్రం ముఖ్యమంత్రికి దుండ్ర కుమారస్వామి అందజేశారు. తెలంగాణ ప్రభుత్వం ఏ పథకం చేపట్టినా అది బీసీలకు మేలు చేసే విధంగా ఉండాలని లేఖలో కోరారు దుండ్ర కుమారస్వామి.
రాష్ట్రంలో కాంగ్రెస్ ప్రభుత్వం వచ్చిన వెంటనే బీసీ కుల గణనను నిర్వహించి, బీసీలకు విద్య, ఉద్యోగ, రాజకీయ రంగాల్లో 42 శాతం రిజర్వేషన్లు కల్పిస్తామని రాహుల్ గాంధీ, సీఎం రేవంత్ రెడ్డి హామీని ఇచ్చారని ఈ ఏడాది ఆ పనిని పూర్తీ చేస్తే బీసీలకు ఎంతో మేలు చేసిన వారు అవుతారని దుండ్ర కుమారస్వామి తెలిపారు. అంతేకాకుండా తెలంగాణ ముఖ్యమంత్రి రేవంత్ రెడ్డికి నూతన సంవత్సర శుభాకాంక్షలు తెలిపారు కుమారస్వామి.
