మార్షల్​ ఆర్ట్స్​ ఆత్మరక్షణ, శారీర ధారుడ్యానికి తోడ్పడుతాయి: ఎస్సై యాదగిరి

మార్షల్​ ఆర్ట్స్​ ఆత్మరక్షణతో పాటు శారీరక ధారుడ్యం, మానసిక ఉల్లాసానికి దోహదపడుతయని జగద్గిరిగుట్ట ఎస్సై యాదగిరి అన్నారు. ఆల్విన్​కాలనీ డివిజన్​ పరిధి ఎల్లమ్మబండలో కుంగుఫూడూ మార్షల్​ ఆర్ట్స్​ ఆకాడమి గ్రాండ్​ మాస్టర్​ కంట్రీస్​ ఆధ్వర్యంలో ఆదివారం నిర్వహించిన బెల్ట్​ టెస్ట్​ కార్యక్రమానికి ఎస్సై యాదగిరి, కూకట్​పల్లి ప్రెస్​క్లబ్ అధ్యక్షుడు ఎంఏ. కరీమ్​లు ముఖ్య అతిథులుగా పాల్గొన్నారు. ఈ సందర్భంగా మార్షల్​ ఆర్ట్స్​ అభ్యసిస్తున్న చిన్నారులు కటాస్​, స్పారింగ్​, అభ్యసించిన విద్యను ప్రదర్శించారు. ఈ సందర్భంగా చిన్నారులకు గ్రాండ్​ మాస్టర్​ కంట్రాస్​ బెల్టులు, ఎస్సై యాదగిరి, ఎం.ఏ. కరీమ్​లు ​సర్టిఫికేట్​లు ప్రధానం చేశారు. ఈ సందర్భంగా ఎస్సై యాదగిరి మాట్లాడుతూ మార్షల్​ ఆర్ట్స్​ ఆత్మరక్షణతో పాటు మానసిక ఉల్లాసానికి దోహద పడుతాయని అన్నారు. యువతులు, మహిళలు తమ ఆత్మరక్షణలు మార్షల్​ ఆర్ట్స్​ శిక్షణ తీసుకోవలసిన అవసరం ఉందని అన్నారు. ఈ కార్యక్రమంలో కుంగ్​ఫూడూ మాస్టర్​ ఫిరోజ్​, మాస్టర్​ శ్రీనివాస్​, వెంకటేష్​ యాదవ్​, చిన్నారుల తల్లి తండ్రులు తదితరులు పాల్గొన్నారు.