హిమాయత్ నగర్ : తెలంగాణ లో కరోనా మహమ్మారి విజృంభిస్తున్న నేపద్యంలో, తెలంగాణ ప్రభుత్వం కరోనాని కట్టడి చేసే ప్రయత్నంలో భాగంగా నిన్న ముఖ్యమంత్రి కేసీఆర్ అధ్యక్షతన క్యాబినెట్ మీటింగ్ లో చర్చించి తెలంగాణ లో 10 రోజుల పాటు లాక్ డౌన్ పెట్టాలని నిర్ణయం తీసుకున్నారు..
ప్రభుత్వం నిర్ణయాన్ని ప్రజలు స్వచ్ఛందంగా పాటిస్తూ ప్రతి ఒక్కరు ఇంటికే పరిమితమైన పరిస్థితి కనబడుతోంది. అందులో భాగంగా హిమాయత్ నగర్ లో రోడ్లన్నీ ఖాళీగా కనబడుతున్నాయి. పోలీసులు కూడా ప్రతి ఒక్కరిని ఆపి వారు అత్యవసర విభాగానికి చెందిన వాళ్లైతేనే పంపించడం జరుగుతుంది. అదే విధంగా మీడియా వాళ్ళని కూడా, వాళ్ళ యొక్క ఐడెంటి కార్డు చూసాకే వారిని అనుమతిస్తున్నారు.
ప్రజలందరూ ఇదేవిధంగా పోలీస్ డిపార్ట్మెంట్ వారికి సహకరించి అత్యవసరం అయితే తప్ప బయటకు రాకుండా ఇంట్లోనే ఉండి, కరోనా బారిన పడకుండా అందరూ ఆరోగ్యంగా ఉండాలి కోరుతున్నారు తెలంగాణ పోలీసులు..
