పాకిస్తాన్ లోని ప్రతిపక్షాలకు పెద్దమొత్తంలో డబ్బును ఎరగా చూపి ఒక ధనిక దేశం తనను గద్దె దించడానికి కుట్ర పన్నుతోందని ఇమ్రాన్ ఖాన్ మరియూ సహచర గణం పదే పదే మీడియాలో చెబుతున్నారు. ఇంతకు ముందు తనను పదవినుండి తొలగించడానికి జరుగుతున్న ప్రయత్నాల్లో విదేశీ కుట్ర ఉందని ఇమ్రాన్ ఖాన్ ఆరోపించిన విషయం తెలిసిందే.
ఇప్పుడు ఆయన ఒక చానల్ కి ఇచ్చిన ఇంటర్వ్యూలో అమెరికా మీదే ఆయన విమర్శ చేశాడు. దీనిపై మీడియాలో ఒక ధుమారమే చెలరేగింది. ఇక చివరిగా అమెరికా కూడా దీనిపై స్పందించింది.
ఇమ్రాన్ ఖాన్ చేస్తున్న ఆరోపణలు అర్థ రహితమని వైట్హౌజ్ అదికారి కేట్ బెడింగ్ఫీల్డ్ ఒక ప్రకటనను విడుదల చేసి చెప్పారు. ఆయనను ప్రధాని పదవి నుండి దింపేయాలని అమెరికా ప్రయత్నిస్తోందంటూ ఇమ్రాన్ ఖాన్ చేసిన ఆరోపణల్లో ఎలాంటి వాస్తవం లేదనీ తమకు పాకిస్తాన్ చట్టాలపై గౌరవం ఉందనీ తెలిపారు.