పొలిటికల్ స్ట్రాటజిస్ట్ ప్రశాంత్‌ కిషోర్‌ కాంగ్రెస్ అధ్యక్షురాలు సోనియా గాంధీని, కొందరు కాంగ్రెస్ నాయకులను తరచుగా కలవడం వలన ఆయన కాంగ్రెస్‌లో చేరుతారని చాలమంది అనుకున్నారు. మరియూ కాంగ్రెస్‌కి వచ్చి బాధ్యతలు చేపట్టాలని ప్రశాంత్‌ కిషోర్‌ ను సోనియా గాంధీ కూడా ఆహ్వనించారు. దీంతో ఆయన కాంగ్రెస్‌లో చేరుతారన్న వార్తలకు ఊతమిచ్చారు. ఇక పార్టీలో చేర్చుకోవాలని కాంగ్రెస్ కమిటీ కూడా నివేదిక ఇచ్చింది.
అయితే ప్రశాంత్‌ కిషోర్‌ సోనియా ప్రతిపాదనను వద్దని తిరస్కరించారు. ఆయన పార్టీలో చేరాలంటూ కాంగ్రెస్ పార్టీ అధిష్టానం ఇచ్చిన ఆఫర్‌ను పీకే నిరాకరించారు. పార్టీలో చేరడం లేదని ప్రశాంత్‌ కిషోర్‌ స్పష్టం చేశారు. ఇదే విషయాన్ని ఏఐసీసీ జనరల్‌ సెక్రటరీ రణదీప్‌ సింగ్‌ సుర్జేవాలా కూడా తెలియజేశారు.
