సమాజ అభివృద్ధికి మహిళల అభివృద్ధి కీలకం – జాతీయ బీసీ దళ్ అధ్యక్షుడు దుండ్ర కుమార స్వామి
మహిళల సాధికారత – దేశ అభివృద్ధికి పునాది అని దుండ్ర కుమారస్వామి అన్నారు. మహిళలకు హక్కుల అవగాహన మరియు చైతన్యం ఆ రెండో ప్రధానమైన అంశాలు ఈ రెండు ఉన్నప్పుడే గెలుపు సుసాధ్యం అవుతుంది అని అన్నారు. సోమవారం నాడు హైదరాబాదులో ని హబ్సిగూడలో SBMS (South India Bridal Makeup and Modelling Studio) ఆడిటోరియం లో ప్రముఖ మోడలింగ్, కాస్ట్యూమ్స్, మేకప్ ఈవెంట్స్ ప్రతినిధి మోక్ష్ ఆధ్వర్యంలో “SIBA” (South India Influencers and Bloggers Awards) అవార్డ్స్ కార్యక్రమం ఘనంగా జరిగింది. కార్యాలయంను ఈ సందర్భంగా డాక్టర్ వకుళాభరణం కృష్ణ మోహన్ రావు మరియు జాతీయ బీసీ దళ్ అధ్యక్షుడు దుండ్ర కుమారస్వామి లాంఛనంగా ప్రారంభించారు. ఈ సందర్భంగా రాష్ట్ర బీసీ కమిషన్ ఛైర్మన్ డాక్టర్ వకుళాభరణం కృష్ణమోహన్ రావు మాట్లాడుతూ మోడలింగ్, మేకప్, కాస్ట్యూమ్ డిజైనింగ్ లలో రాణించి ఎదగడం సాధ్యమే అని అన్నారు.
స్త్రీలు ఆర్థికంగా ఎదిగితేనే – సమాజ ప్రగతి జరుగుతుందని తెలిపారు.ఔత్సాహిక పారిశ్రామికవేత్తలుగా స్త్రీలు ఎదిగితేనే సమాజం పురోగమనం సాధిస్తుంది,మోడలింగ్, మేకప్, కాస్ట్యూమ్ డిజైనింగ్ రంగాలలో నిపుణత సాధించి మహిళలు ఆర్థికంగా ఎదగడానికి ఎంతో అవకాశం ఉందని రాష్ట్ర బీసీ కమిషన్ ఛైర్మన్ డాక్టర్ వకుళాభరణం కృష్ణమోహన్ రావు పేర్కొన్నారు.కృషి, పట్టుదల, లక్ష్యం దిశగా ఏ రంగాలలోనైనా జీవితంలో పురోగమించడం అసాధ్యమేమి కాదన్నారు.
ఉద్యోగాల కోసం ఎదురుచూస్తూ, కాలం వృధా చేసుకోవద్దని, ఇలాంటి రంగాలలో స్వయంకృషితో రాణించాలని ఆయన సూచించారు. ఆధునికంగా పెద్ద యెత్తున పరిశ్రమగా రూపొందుతున్న విషయాన్ని గమనించాల్సి ఉందన్నారు. మరీ ముఖ్యంగా గ్రామీణ ప్రాంతాలకు చెందిన యువతీ, యువకులు నిరుద్యోగ సమస్యను అధిగమించడానికి ఈ రంగాలను ఎంచుకొని, నిపుణత సాధించి జీవితాలను సుస్థిరం చేసుకోవాలని కోరారు. కార్యక్రమంలో విశిష్ట అతిధులుగా జాతీయ బీసీ దళ్ అధ్యక్షుడు దుండ్ర కుమార స్వామి, మిస్సెస్ ఆసియా ఫసిపిక్ సుధా జైన్, భారత బాడ్మింటన్ క్రీడాకారిణి మర్రి నవ్యా రావు, వ్యక్తిగత వికాస నిపుణురాలు ప్రొ. సి.హెచ్. రేఖా రావు, బ్యూటీషియన్ ప్రీతి రాజ్ తదితరులు పాల్గొన్నారు.
కార్యక్రమంలో తెలంగాణ, ఆంధ్ర ప్రదేశ్, కర్ణాటక, మహారాష్ట్ర లకు చెందిన ప్రముఖ మహిళా పారిశ్రామికవేత్తలకు SIBA అవార్డులను అందజేశారు. కన్నుల పండుగగా ఈ కార్యక్రమం నిర్వహింపబడింది.
