తెలంగాణ : సంవత్సరం కాలంగా కరోనా నియంత్రణలో తెలంగాణ మొదటి స్థానంలో ఉన్నట్లు పబ్లిక్ పాలసీ అండ్ గవర్నెర్స్, ఇండిపెండెంట్ పబ్లిక్ పాలసీ రీసెర్చర్ సంయుక్త అధ్యయనంలో వెల్లడైంది. కొవిడ్ కట్టడికి అవలంభించిన విధానాలు, ఆస్పత్రుల్లో నెలకొల్పిన సౌకర్యాలను పరిగణనలోకి తీసుకున్నట్లు ఈ సంస్థలు తెలిపాయి.
ఏడాది కాలంగా కొవిడ్ నియంత్రణలో, అందుకు అవసరమైన మౌలిక వసతుల కల్పనలో రాష్ట్రం మొదటి స్థానంలో ఉన్నట్టు రెండు స్వతంత్ర సంస్థలు పేర్కొన్నాయి. కరోనా నియంత్రణలో తెలంగాణ, రాజస్థాన్, హరియాణ తొలి మూడు స్థానాల్లో నిలవగా.. మౌలిక వసతుల్లో తెలంగాణ, పంజాబ్, తమిళనాడు మొదటి మూడింటిలో నిలిచాయని వివరించాయి.
హైదరాబాద్కు చెందిన టాటా ఇన్స్టిట్యూట్ ఆఫ్ సోషల్ సైన్సెస్కు చెందిన స్కూల్ ఆఫ్ పబ్లిక్ పాలసీ అండ్ గవర్నెన్స్, హైదరాబాద్కే చెందిన మరో సంస్థ ఇండిపెండెంట్ పబ్లిక్ పాలసీ రిసెర్చర్ సంయుక్తంగా అధ్యయనం నిర్వహించినట్టు తెలిపాయి. అధ్యయన పత్రం తాజాగా “జర్నల్ ఆఫ్ సోషల్ అండ్ ఎకనామిక్ డెవలప్మెంట్“లో ప్రచురితమైంది. కొవిడ్ను కట్టడి చేయడంలో అవలంబించిన విధానాలను, ఈ క్రమంలో అన్ని రాష్ట్రాల్లోనూ ఆసుపత్రుల్లో నెలకొల్పిన సౌకర్యాలను అధ్యయనంలో పరిగణనలోకి తీసుకున్నట్టు అవి తెలియజేశాయి. ఉత్తమం, పరవాలేదు, బాగోలేదు, అస్సలు బాగోలేదు.. అనే నాలుగు కేటగిరీల్లో ర్యాంకులిచ్చామని వివరించాయి.
