ఈ నెల 25 న విడుదలై బాక్స్ఆఫీస్ వద్ద ధుమ్ము రేపుతున్న ఆర్‌ఆర్‌ఆర్‌ గురించి అందరు స్టార్స్ ట్వీట్ చేస్తున్నారు. ఎక్కడ చూసినా ఆర్‌ఆర్‌ఆర్‌ గురించి రివ్యూలు కనిపిస్తున్నాయి. ఇండియన్ సినిమాలో ఆర్‌ఆర్‌ఆర్‌ ప్రభంజనం స్రుష్టిస్తోంది. ఎన్ని సంవత్సరాలుగానో వేచి చుసిన తరుణం రానే వచ్చింది. ఎన్టీఆర్‌, రామ్‌ చరణ్‌లు దేశం మొత్తం తమ సత్తా ఏంటో చూపించారు. ఆర్‌ఆర్‌ఆర్‌ మొదటి రోజే సుమారుగా 250 కోట్లు రాబట్టింది.
ఇక ఎప్పుడూ సోషల్ మీడియాలో చురుగ్గా ఉండే రాంగోపాల్ వర్మ కూడా ఎప్పటిలాగే అందరికంటే భిన్నంగా చేసిన ట్వీట్ వైరల్ అవుతుంది. రామ్‌ గోపాల్‌ వర్మ ఆర్‌ఆర్‌ఆర్‌ను బాహుబలితో పోల్చారు. బాహుబలి-2 అనేది ఒక హిస్టరీ అయితే ఆర్‌ఆర్‌ఆర్‌ ఒక హిస్టారికల్ ఫిల్మ్ అని ఆర్జీవీ ట్వీట్ చేశాడు. దర్శకుడు రాజమౌళిని బాక్సాఫీస్‌కు మోక్షం కలిగించిన మహోన్నత వ్యక్తి అని చెప్పారు.
