రికీ కేజ్‌ రెండో సారి గ్రామీ అవార్డు అందుకున్నాడు.ఈ సందర్భంగా మోదీ రిక్కీని గురించి ట్వీట్‌ చేశారు. విశేషమైన ఘనత సాధించినందుకు శుభాకాంక్షలు. ఇక ముందు కూడా ఇలాంటివి మరెన్నో సొంతం చేసుకోవాలని ఆశిస్తున్నానని ప్రధాని ట్విట్టర్ లో తెలిపారు.
ఆ తరువాత రిక్కీ మోడీ ట్వీట్‌ను షేర్‌ చేస్తూ రీట్వీట్‌ చేశారు. ‘‘ప్రధాని ద్వారా మెప్పు పొందడం చాలా ఆనందంగా ఉంది. మాటలు రావడం లేదు. ఏడు సంవత్సరాలకు ముందు నేను మొదటిసారి గ్రామీ అవార్డు అందుకున్నప్పుడు మీరు నన్ను పర్యావరణ పరిరక్షణ వైపు అడుగులు వేయించారు. మీ ఆశీర్వాదానికి ధన్యవాదాలు’’ అని తెలిపారు.
రికీ 2015లో ‘విండ్స్‌ ఆఫ్‌ సంసార’ అనే అల్బమ్‌కు గ్రామీ అవార్డు గెలుచుకున్నాడు. ఇప్పుడు 64వ గ్రామీ అవార్డుల్లో ‘డివైన్‌ టైడ్స్‌’కి రెండోసారి అవార్డు తీసుకున్నాడు.
