నిక్కీ హేలీ ఐక్యరాజ్యసమితి అమెరికా రాయబారిగా రాజీనామా
ఐక్యరాజ్యసమితిలో అమెరికా రాయబారిగా బాధ్యతలు నిర్వర్తిస్తున్న నిక్కీ హేలీ ఇవాళ తన పదవికి రాజీనామా చేసినట్లు సమాచారం. తన రాజీనామాను అమెరికా అధ్యక్షుడు డొనాల్డ్ ట్రంప్ ఆమోదించినట్లు అమెరికా మీడియాలో వార్తలు వస్తున్నాయి. ఈ విషయంపై వైట్హౌస్ నుంచి ఇంకా ఎలాంటి అధికారిక ప్రకటన వెలువడలేదు. ఓవల్ ఆఫీస్లో ఉదయం 10:30 గంటలకు నా ఫ్రెండ్ నిక్కీహేలీతో కలిసి పెద్ద ప్రకటన చేయబోతున్నానని ట్రంప్ తన అధికారిక ట్విటర్లో పేర్కొన్నారు. 2017 జనవరిలో యూఎన్లో యూఎస్ అంబాసిడర్గా ఆమె నియమితులయ్యారు.
అనేక అంశాలపై స్పష్టంగా మాట్లాడే వైఖరి నిక్కీహేలీది. ఆ చాతుర్యమే ఆమెను యూఎన్లో అమెరికా రాయబారిగా నియమితులయ్యే అవకాశాన్ని అందించింది. భారత్లోని పంజాబ్ రాష్ట్రం నుంచి వచ్చిన ఆమె తల్లిదండ్రులు అమెరికాలో స్థిరపడ్డారు. అమెరికా సైనిక ఉద్యోగి మైకేల్ హేలీతో ఆమె వివాహం జరిగింది. 2010లో దక్షిణ కరోలినా గవర్నర్గా ఎన్నికయ్యారు. 2014లోనూ గవర్నర్ ఎన్నికల్లో ఆమె భారీ మెజార్టీతో గెలుపొందారు.
