టిక్కెట్ల ధరల విషయంలో ఆంధ్ర ప్రభుత్వం పైన పవన్ కళ్యాణ్ ఎన్నో విమర్శలు చేశారు. ఈ విషయంలో పలు హీరోలు కూడా జగన్ తో సమావేశానికి ముందు విమర్శలు గుప్పించారు. మంత్రి కేటీఆర్, శ్రీనివాస్ యాదవ్ లను పవన్ కళ్యాణ్ భీమ్లా నాయక్ ఫ్రీ రిలీజ్ ఫంక్షన్ కి పవన్ కళ్యాణ్ ఆహ్వానించారు. కేటీఆర్ కూడా ఫంక్షన్ కి హాజరై పవన్ కళ్యాణ్ కి అభినందనలు తెలిపారు. కేటీఆర్ ట్విట్టర్ లో కూడా ఈ విషయాన్ని పోస్ట్ చేశారు.
నిన్న భీమ్లా నాయక్ సినిమా విడుదల అయింది. ఈ సందర్భంగా తెలంగాణ ప్రభుత్వం సినిమా టికెట్ల విషయంలో అనుసరిస్తున్న తీరును ప్రశంసిస్తూ పవన్ కళ్యాణ్ ఫ్యాన్స్ విజయవాడ కృష్ణలంక లో ఒక ఫ్లెక్సీ ఏర్పాటు చేశారు. దీనిపై హ్యాట్సాఫ్ సీఎం సార్ అంటూ కెసిఆర్, కేటీఆర్ తలసాని శ్రీనివాస్ యాదవ్ ల ఫోటోలు ఏర్పాటు చేశారు. ఇదే ఫ్లెక్సీపై వంగవీటి రంగా, రాధాకృష్ణ, జనసేన నాయకుడు నాదెండ్ల మనోహర్ ఫోటోలు కూడా ఉన్నాయి.
