గిరిజనుల అభివృద్ధి, సాధికారతపై అఖిలపక్ష సమావేశం డిమాండ్. -ప్రో. నునావత్ దేవదాస్ నాయక్.

*దళితుల అభివృద్ధి సాధికారతపై అఖిల పక్ష సమావేశం నిర్వహించినట్లు గిరిజనుల అభివృద్ధి సాధికారిత పై కూడా అఖిలపక్ష సమావేశాన్ని నిర్వహించి రాష్ట్రంలో గిరిజనులు ఎదుర్కొంటున్న సమస్యలు పరిష్కారం తో పాటు గిరిజనుల అభివృద్ధికి నూతన సంక్షేమ పథకాలను ప్రకటించాలని డిమాండ్ చేశారు. రాష్ట్రంలో గిరిజనుల అభివృద్ధి రోజురోజుకు దిగజారుతున్నదని ఆర్థిక ఇబ్బందులతో కుటుంబాలను పోషించుకోవడం లేక అనేక గిరిజన తెగలు అంతరించే స్థాయికి వచ్చాయని ఆవేదన వ్యక్తం చేశాడు. రాష్ట్ర బడ్జెట్లో గిరిజనుల జనాభా నిష్పత్తి ప్రకారం గిరిజనుల ప్రత్యేక అభివృద్ధి పేరుతో కేటాయిస్తున్న వేలాది కోట్ల రూపాయలు గిరిజనుల అభివృద్ధికి ఖర్చు చేయకుండా కోట్లది రూపాయలు రాష్ట్ర ప్రభుత్వమే జనరల్ పథకాలకు దారి మళ్ళించడం బాధాకరం తెలియ చేశాడు.గిరిజన కుటుంబాలకు నేరుగా లబ్ధి జరిగే విధంగా ఒక్క సంక్షేమ పథకం కూడా లేకపోవడం గిరిజనుల అభివృద్ధి పట్ల రాష్ట్ర ప్రభుత్వానికి ఉన్న చిత్తశుద్ధి ఎటువంటిదో అర్థమవుతుంది చెప్పారు, ముఖ్యంగా తెలంగాణ రాష్ట్రం ఏర్పడిన తర్వాత గిరిజనుల జనాభా నిష్పత్తి ప్రకారం పది శాతానికి రిజర్వేషన్లు పెంచుతామని హామీ నేటికీ నెరవేరలేదనీ, దీని ఫలితంగా విద్య, ఉద్యోగ, రాజకీయ రంగాల్లో గిరిజనులకు తీవ్రంగా నష్టం జరిగిందని ఆవేదన వ్యక్తం చేశాడు. గత రెండు సంవత్సరాల కరోనా నేపథ్యంలో గిరిజన కుటుంబాలు ఆర్థికంగా చిటికి పోయాయి.ఇటువంటి నేపథ్యంలో గిరిజన యువకులకు ఆర్థిక లబ్ధి చేకూర్చే విధంగా ట్రైకార్ సంస్థ ద్వారా బ్యాంకులో లింకు లేకుండా 90 శాతం సబ్సిడీతో రుణాలు ఇవ్వాల్సిన రాష్ట్ర ప్రభుత్వం ఇంతవరకు లబ్ధిదారుల జాబితాను ప్రకటించడం లేదని తెలియచేశారు.అనేక రాష్ట్ర ప్రభుత్వ శాఖల్లో ఎస్టీ బ్యాక్ లాగ్ పోస్టులు ఖాళీగా ఉన్న భర్తీ చేయకుండా జనరల్ కేటగిరీ కింద పోస్టులను మార్పుచేసి గిరిజనేతరుల తో భర్తీ చేయడం అన్యాయం. మరియు భూములను సాగు చేస్తున్న గిరిజనులపై అటవీశాఖ పోలీసులతో కలిసి దాడులు చేస్తూ, అక్రమ కేసులు పెడుతూ వేసిన పంటలను సైతం నాశనం చేస్తూ భయభ్రాంతులకు గురిచేస్తున్నదని ఆవేదన వ్యక్తంచేశారు. అంతేకాకుండా
గిరిజనుల విద్య, ఆరోగ్య రంగాలపై అధిక ప్రాధాన్యత ఇచ్చే విధంగా ప్రణాళికలు సిద్ధం చేయాలని కోరారు.