బీసీ కులాల రక్షణకు, బీసీ కులాల లెక్కలు కావాలి – దుండ్ర కుమార స్వామి

బి‌సి కులాల అభివృద్ది మరియు రక్షనకై బి‌సి కులాల లెక్కలు కచ్చితంగా తెలల్సిందే అని బి‌సి దళ్ రాష్ట్ర అధ్యక్షులు దుంద్ర కుమార స్వామి తెలిపారు.
కేంద్ర, రాష్ట్ర ప్రభుత్వాలు బీసీ కులాల అభివృద్ధికి విద్య, ఉద్యోగ రంగాలలో రిజర్వేషన్లు, ఆర్థిక, రాజకీయ రంగాలలో అభివృద్ధికై అనేక స్కీములు అమలు జరుపుతున్నాయి. కానీ అవి బి‌సి లకు ఏ మాత్రం ఉపయోగపడట్లేదని ఆవేదన వ్యక్తం చేశారు.
భారత రాజ్యాంగం కులాల ప్రాతిపదికన ఎస్సీ/ఎస్టీ/బీసీలకు విద్య, ఉద్యోగ, ఆర్థిక, రాజకీయ, సామాజిక, అభివృద్ధి పథకాలు పెట్టాలని నిర్దేశించింది. ఇందులో భాగంగా ఎస్సీ/ఎస్టీ/మైనార్టీ సామాజిక వర్గాల పేరుమీద జనాభా గణన మొదటి నుంచి తీస్తున్నారు. అలాగే లింగ విభజన పేరుమీద మహిళా–పురుష జనాభా గణన ఉంది. కానీ బీసీ కులాల జనాభా వివరాలు కావాలని ప్రతిపక్ష పార్టీలు డిమాండ్‌ చేస్తున్నా, బి‌సి సంఘాలు విజ్ఞప్తి చేస్తున్నా, హైకోర్టు–సుప్రీంకోర్టులు ఆదేశిస్తున్నా కేంద్ర ప్రభుత్వం ఒక బీసీ కులాల కాలమ్‌ పెట్టడానికి ముందుకు రావడం లేదు. దీనిపై కేంద్ర ప్రభుత్వం దేశ ప్రజలకు వివరణ ఇవ్వాల్సిన అవసరం ఉన్నదని తెలిపారు.
ఏది ఏమైనా జాతీయ స్థాయి లో బి‌సి ల కులాల వారీగా జన గణాంకాలు చేయవల్సిన అవసరం ఉందని కుమార స్వామి తెలిపారు. ప్రభుత్వ అభివృద్ధి పథకాలకు, రిజర్వేషన్లకు, పరిపాలన సౌకర్యంకోసం కులాల వారీ లెక్కలు ఉపయోగపడుతాయి. కావున వెంటనే ప్రభుత్వం స్పందించి జనాభా గణనలో బీసీ కులాల వారి లెక్కలు తీసే విధంగా తగు ఆదేశాలు జారీ చేయవలసిన అవసరం ఉన్నదని తెలిపారు.