రాజన్న సిరిసిల్ల : తెలంగాణ రాష్ట్ర, రాజన్న సిరిసిల్ల జిల్లాలో, మంగళవారం సిరిసిల్ల అంబేద్కర్ చౌక్ వద్ద లాక్ డౌన్ డ్యూటీ నిర్వహిస్తున్న ట్రైనీ ఎస్.ఐ అపూర్వ రెడ్డి గారికి నిస్సహాయ స్థితిలో, నడవలేని పరిస్థితిలో రోడ్డుపై వస్తున్న ఒక తల్లి కనిపించింది.
వెంటనే ఆమె దగ్గరకు వెళ్లి రోడ్డుపై నుంచి పక్కకు రమ్మని చెప్పి భోజనం, బిస్కెట్స్, ఎనర్జీ డ్రింక్స్ ఇచ్చి భోజనం చేసే వరకు తనతోనే దగ్గరుండి చూసుకున్నారు. ఆ మహిళ చలి వేస్తుంది అనడంతో వెంటనే అక్కడినుండి తన ఇంటికి వెళ్లి రగ్గు తీసుకొచ్చి మరి ఆ తల్లి కి ఇవ్వడం జరిగింది..
అందరిలాగే నాకెందుకులే అని వదిలేయకుండా గొప్ప మనసుతో సాటి మనిషి పట్ల మానవత్వం చూపిన, అపూర్వ రెడ్డి గారిని గమనించిన పలువురు ఎస్.ఐ లు మరియు అక్కడ విధులు నిర్వహిస్తున్న సిబ్బంది ఆమెను అభినందించారు. శాంతి భద్రతల పరిరక్షణలో లాఠీ కాఠిన్యం చూపడమే కాదు, పోలీసుల్లోనూ మానవత్వం ఉంటుందని అపూర్వ రెడ్డి నిరూపించారు .
