మద్యం సేవించి వాహనాలు నడిపితే జైలు శిక్ష తప్పదు -ట్రాఫిక్ సిఐ శ్రీనివాస్

• రోడ్డు ప్రమాదాల నివారణకు క్రమం తప్పకుండా డ్రంక్ అండ్ డ్రైవ్ పరీక్షలు

• నిబంధనలు పాటించి ప్రమాదాల నివారణకు సహకరించాలని సూచన

తొలిపలుకు న్యూస్ (నల్లగొండ): నల్లగొండ పట్టణంలోని పలు ప్రాంతాలలో ట్రాఫిక్ పోలీసులు నిర్వహించిన డ్రంక్ అండ్ డ్రైవ్ పరీక్షలలో ఆరుగురు వ్యక్తులను కోర్టులో హాజరు పర్చగా వారిలో ఇద్దరికి ఒక రోజు జైలు శిక్ష, మరో వ్యక్తి రెండోసారి డ్రంక్ అండ్ డ్రైవ్ లో పట్టుబడగా అతనికి 2,000/- జరిమానాతో పాటు మూడు రోజుల జైలు శిక్ష, మిగిలిన ముగ్గురికి జరిమానా విధిస్తూ కోర్టు తీర్పు ఇచ్చినట్లు ఆయన తెలిపారు. మొత్తం ఆరుగురు వ్యక్తులకు కలిపి 10,500/- జరిమానా విధించినట్లు వివరించారు. మద్యం సేవించి వాహనాలు నడిపితే జైలు శిక్షలతో పాటు జరిమానాలు తప్పవని నల్లగొండ ట్రాఫిక్ సిఐ చీర్ల శ్రీనివాస్ అన్నారు.