తెలంగాణ రాష్ట్రంలో త్వరలో జరగబోయే మున్సిపల్ ఎన్నికలు రద్దుచేయాలని హైకోర్టు చీఫ్ జస్టిస్ బెంచ్ లో లంచ్ మోషన్ పిటిషన్ దాఖలు అయ్యింది. కాంగ్రెస్ సీనియర్ నేత షబ్బీర్ అలీ పిటిషన్ దాఖలు చేశారు. ప్రస్తుతం రాష్ట్రంలో కరోనా కేసులు విపరీతంగా పెరుగుతున్న నేపథ్యంలో ఎన్నికలు వాయిదా వేయాలని షబ్బీర్అలీ తన పిటిషన్లో పేర్కొన్నారు.
అయితే కోవిడ్ నేపథ్యంలో తెలంగాణ రాష్ట్ర ప్రభుత్వం ఇప్పటికే నైట్ కర్ఫ్యూ ను అమలు చేసిందని పిటిషనర్ పేర్కొన్నారు. ఈ సమయంలో ఎన్నికలు నిర్వహించకుండా ఆదేశాలు ఇవ్వాలని ఆయన కోరారు. లంచ్ మోషన్ పిటిషన్ విచారణకు చీఫ్ జస్టిస్ హిమా కోహ్లీ నిరాకరించారు. ఎన్నికల కమిషన్కు మరోసారి రీప్రజెంట్ చేయాలని పిటిషనర్ కు చీఫ్ జస్టిస్ సూచించారు. ఇప్పటికే హైకోర్టు సింగిల్ బెంచ్ ఎన్నికలను ఆపలేమని చెప్పడంతో డివిజన్ బెంచ్ లో పిటిషన్ దాఖలు చేశారు. లంచ్ మోషన్ అనుమతి ఇవ్వకపోవడంతో షబ్బీర్ అలీ రెగ్యులర్ పిటిషన్ వేయనున్నారు .
