- టీఆర్ఎస్ పార్టీలో నేను నిబద్దత, విధేయత, క్రమశిక్షణ ఉన్న కార్యకర్తను.
- పార్టీ ఆవిర్భావం నుంచి నేటి వరకు నాకు పార్టీ ప్రయోజనాలే పరమావధి.
- పార్టీ కార్యకర్తగా ఉన్న నాకు పార్టీ, నాయకత్వం ఏ పని అప్పగించినా దాన్ని పూర్తిచేయడం నా విధి, బాధ్యత.
- పార్టీ నాయకుడిగా కేసీఆర్ ఏ ఆదేశం ఇచ్చినా శిరసావహించడం నా కార్తవ్యంగా భావిస్తాను
- కేసీఆర్ గారు పార్టీ అధ్యక్షులే కాదు..
- నాకు గురువు, నా మార్గదర్శి, నాకు తండ్రితో సమానులు.
తెలంగాణ: టిఆర్ఎస్ మాజీ మంత్రి ఈటెల రాజేందర్ ప్రెస్ మీట్ లో చేసిన అనుచిత వ్యాఖ్యలకు తెలంగాణ రాష్ట్ర ఆర్థిక శాఖ మంత్రి వర్యులు హరీష్ రావు గారు తీవ్రంగా ఖండించారు.. ఈ సందర్భంగా హరీష్ రావు మాట్లాడుతూ..
టీఆర్ఎస్ పార్టీలో నేను నిబద్దత, విధేయత, క్రమశిక్షణ ఉన్న కార్యకర్తను. పార్టీ ఆవిర్భావం నుంచి నేటి వరకు నాకు పార్టీ ప్రయోజనాలే పరమావధి. పార్టీ కార్యకర్తగా ఉన్న నాకు పార్టీ, నాయకత్వం ఏ పని అప్పగించినా దాన్ని పూర్తిచేయడం నా విధి, బాధ్యత. పార్టీ నాయకుడిగా కేసీఆర్ ఏ ఆదేశం ఇచ్చినా శిరసావహించడం నాకార్తవ్యంగా భావిస్తాను. కేసీఆర్ గారు పార్టీ అధ్యక్షులే కాదు.. నాకు గురువు, నా మార్గదర్శి, నాకు తండ్రితో సమానులు.
ఆయన మాట జవదాటకుండా నడుచుకుంటున్నాను. గతంలో అనేకసార్లు ఇదే విషయం సుస్ఫష్టంగా అనేక వేదికలపై చెప్పాను. ఇప్పుడు మరోసారి చెప్తున్న, కంఠంలో ఊపిరిఉన్నంత వరకు ఇలాగే నడుచుకుంటాను. తాచెడ్డ కోతి వనమెల్ల చెరిచిందన్నట్టుగా ఉన్నది ఈటల రాజేందర్ గారి వైఖరి పార్టీని వీడడానికి ఆయనకు అనేక కారణాలుండొచ్చు, పార్టీలో ఉండాలా.. వెళ్లిపోవాలా అన్నది ఆయన ఇష్టం. ఆయన పార్టీని వీడిన టీఆర్ఎస్ పార్టీకి వీసమెత్తు నష్టం కూడా లేదు అని ఎద్దేవ చేశారు..
ఆయన పార్టీకి చేసిన సేవకన్నా.. పార్టీ ఆయనకు ఇచ్చిన అవకాశాలే ఎక్కువ. తన సమస్యలకు, తన గొడవకు నైతిక బలం కోసం పదేపదే నా పేరును ప్రస్తావించడం ఈటల రాజేందర్ భావదారిద్య్రానికి, విజ్ఙత, విచక్షణలేమికి నిదర్శనం. నా భుజాల మీద తుపాకి పెట్టాలనుకోవడం విఫల ప్రయత్నం మాత్రమే కాదు.. వికారమైన ప్రయత్నం కూడా. ఆయన మాటల్లో మనో వికారమే తప్ప సత్యం ఎంత మాత్రం లేదు అంటూ, తన గురించి ఈటెల రాజేందర్ చేసిన వ్యాఖ్యలను తెలంగాణ రాష్ట్ర ఆర్థిక శాఖ మంత్రి వర్యులు హరీష్ రావు గారు తీవ్రంగా తీవ్రంగా ఖండించారు.
