సాగర సామాజిక వర్గానికి రామ్ సాగర్ చేసిన సేవలు చిరస్మరణీయం
శేర్లింగంపల్లి ఎమ్మెల్యే గాంధీ, ప్రముఖ బీసీ నాయకుడు, జాతీయ బీసీ దళ్ అధ్యక్షుడు దుండ్ర కుమారస్వామి స్వర్గీయ శ్రీ క్యాసాని పల్లె రామ్ సాగర్ గారి దశదినకర్మకు హాజరై నివాళులర్పించారు. ఈ సందర్భంగా వారు మాట్లాడుతూ, నీతి, నిజాయితీ, నిబద్ధతలకు నిలువుటద్దంగా నిలిచి, సాగర సామాజిక వర్గ అభ్యున్నతికి విశేష సేవలందించిన రామ్ సాగర్ గారి జీవితం ఆదర్శప్రాయమని కొనియాడారు. ఆయన సేవా స్ఫూర్తిని, ఆశయాలను వారసత్వంగా స్వీకరించి ఆయన కుమారులు సాగర్, శివలు అదే మార్గంలో పయనిస్తూ సమాజ సేవలో ముందుకు సాగాలని ఆకాంక్షించారు. ప్రజల పట్ల అంకితభావంతో ఆయన చేసిన సేవలు చిరస్మరణీయమని పేర్కొంటూ, ఆయన పవిత్ర ఆత్మకు శాంతి చేకూరాలని, కుటుంబ సభ్యులకు ఈ దుఃఖాన్ని తట్టుకునే మనోధైర్యాన్ని ప్రసాదించాలని భగవంతుడిని ప్రార్థించారు.
