౼
పశుసంవర్ధక శాఖలోని మొత్తం ఖాళీలను భర్తీ చేయాలని గొర్రెలు మేకల పెంపకందార్ల సంఘం(GMPS) రాష్ట్ర ప్రధాన కార్యదర్శి ఉడుత రవిందర్ ప్రకటనలో డిమాండ్ చేశారు.
రోజు ముఖ్యమంత్రి కేసీఆర్ అసెంబ్లీలో ప్రకటించిన 80,0039 ఉద్యోగ ఖాళీల భర్తీ ప్రకటనలో పశుసంవర్ధక శాఖలోని మొత్తం ఖాళీలను ప్రకటించకుండా గొర్రెల పెంపకందార్లను, రైతులను, నిరుద్యోగులను మోసం చేశారు. మొత్తం పశుసంవర్ధక శాఖలో 1,423 పోస్టులు ఖాళీలుండగా కేవలం 353 పోస్టులను భర్తీ చేస్తున్నట్లు ప్రకటించడం సరైంది కాదు. మొత్తం డిపార్ట్మెంట్ లో కిందిస్తాయిలో రైతులకు ప్రత్యక్షంగా సేవలందించే ఆఫీస్ సబార్డినెట్ పోస్టులు 1,003, జూనియర్ అసిస్టెంట్ పోస్టులు 07, డ్రైవర్ పోస్టులు 02, షెఫర్డ్ పోస్టులు 02 మరియు VDO, రిఫ్రిజిరేటర్ మెకానిక్ లాంటివి మరో 100 పోస్టులు ఖాళీలున్నాయి. వీటిని భర్తీ చేయకుంటే పశువులకు వైద్యం అందే పరిస్థితి లేదన్నారు. డాక్టర్లను ఎక్కువ శాతం స్పెషల్ ఆఫీసర్ డ్యూటీలు, మండల ప్రోటోకాల్ మీటింగులకు తిప్పడం, సంక్షేమ పథకాల అమలుకు బ్యాంకులచుట్టూ తిప్పడం, గొర్రెలు, బర్రెల కొనుగోలుకు పంపించడం వల్ల వైద్యం అండటంలేదన్నారు. ఇప్పుడున్న VAS, AD, DD, JD లకు ప్రమోషన్లు ఇస్తే వందలాది డాక్టర్ పోస్టులు ఖాళీలు ఏర్పదుతాయని, అప్పుడు మరింత సమస్య అవుతుందన్నారు. పశు వైద్యుల నియామకాల్లో కూడా డిపార్ట్మెంట్ రిక్రూట్మెంట్ ద్వారా కాకుండా టిఎస్పిఎస్ కి అప్పగించడంతో ఇబ్బందులు ఎదురవుతున్నాయి.
ఇప్పటికైనా ప్రభుత్వం స్పందించి శాఖలోని అన్ని ఖాళీలను భర్తీ చేయాలని, RLU సెంటర్లను అప్ గ్రేడ్ చేయాలని, ప్రమోషన్లు కల్పించి ఆ ఖాళీలను కూడా భర్తీ చేయాలని అదేవిధంగా పెరిగిన పశుసంపద లెక్కలను పరిగణలోకి తీసుకొని ప్రతి 5 వేల పశువులకు ఒక పశువైద్యాధికారిని నియమిమించాలని, ఉమ్మడి రాష్ట్రంలో ఉన్నట్టు డాక్టర్ పోస్టులను డిపార్ట్మెంట్ సెలక్షన్ కమిటీ ద్వారా ఈ నియామకాలు చేపట్టాలని డిమాండ్ చేశారు. లేనిచో నిరుద్యోగులతో కలిసి ఆందోళన చేస్తామని హెచ్చరించారు.
